יעצט איז: פרייטאג יוני 23, 2017 3:02 am


Welcome to דער קרעטשמע גאסט! רעגיסטריר  Or performs the  אריינסיינען

מעלדונג:

אידישע נייעס

נייעס פון די אידישע און אלגעמיינע וועלט

Re: אידישע נייעס

הודעהדורך שעפעלע » מאנטאג מאי 22, 2017 12:24 pm

א חרדישער משגיח פון כשרות האט דורכגעמאכט א שרעקעדיגן אינצידענט ביים ווערן ארעסטירט אין כינע, ווען די ארטיגע אויטאריטעטן האבן געגרייזט און געמיינט אז ער איז א ראדיקאלער מוסולמענער.
דער יונגערמאן איז אנגעקומען צום שינזשיאנג פראווינץ אין כינע, אלס טייל פון זיין ארבעט צו באטראכטן א לאקאלן פאבריק פאר דער עס קעי עס מהדרין השגחה, אבער ביי א פאליציי טשעקפוינט האט מען אים געהייסן ארויסטרעטן פונעם קאר און אים באלד ארעסטירט.
אין דער לאקאלער פאליציי סטאנציע האבן אים אויספארשער באשולדיגט אין זיין א ראדיקאלער מוסולמענער טעראריסט, צוליב'ן גיין מיט חסידישע לאנגע קליידונג און א בארד און פיאות.
עס האט געדויערט עטליכע שעה פאר'ן יונגערמאן צו איבערצייגן די פאליציי אז ער איז נישט קיין מוסולמענער, נאר א פרומער איד, וואס דאס איז זיין לבוש, און ערשט דעמאלט האט מען אים ענדליך געלאזט גיין פריי.
ד'א
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » דינסטאג מאי 30, 2017 10:08 am

אידישע אקטיוויסטן אין באלטימאר האבן אויסגעלויבט און זיך באדאנקט פאר דער פירערשאפט פון דער "אוניווערסיטעט אוו מערילאנד" נאכדעם וואס זיי האבן ארויסגעצייגט סענסיטיוויטעט און פארשטאנד מיט א גרופע אידן וועלכע האבן גראדואירט אין די לעצטע וואכן פון פארשידענע קלאסן אין דער שולע.
די מערילאנד אוניווערסיטעט האט געהאט געסקעדזשועלט איר גראדואירונג צערעמאניע אויף מאי 20, וועלכע איז אויסגעפאלן פונקט אום שבת פרשת בה"ב, און עס זענען געווען 22 באלטימארער אידן וועלכע זענען געווען איינגעשריבן אין דער שולע, זיך צוצולערנען פארשידענע פאכן, און איבריג ארויסצוברענגען אז די אידן האבן נישט געקענט אנטיילנעמען ביי דער גראדואירונג צערעמאניע צוליב שבת קודש.
די מערילאנד אוניווערסיטעט פירערשאפט האט מסכים געווען אפצוהאלטן א ספעציעלע גראדואירונג צערעמאניע נאר פאר די 22 אידן, אום זונטאג במדבר, אקאמאדירנדיג די געברויכן פון די אידן.
ד'א
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » זונטאג יוני 04, 2017 11:53 am

א געריכט אין מאראקא האט פאראורטיילט צום טויט א פארשוין וועלכער האט פאראיאר דערמארדעט א אידישע פארפאלק.
דער פארשוין מוסטאפא רערהעי האט אומגעברענגט שמואל טאלעדאנא און זיין פרוי, וועלכע זענען געווען אן איינפלוסרייכע פארפאלק אין דער אידישער געמיינדע אין קאסאבלאנקא, מאראקא.
דער מארד פון דעם טאלעדאנא פארפאלק האט שטארק אויפגעטרייסלט די וואקסנדע אידישע געמיינדע אין קאסאבלאנקא, אויס מורא אז דאס איז א צייכן פון באהאלטענעם אנטיסעמיטיזם, און די לאקאלע אויטאריטעטן האבן דאן פארשפראכן פארשטערקערטע שוץ אין די אידישע געגנטער.
למעשה האט זיך ארויסגעשטעלט אז דער פארשוין רערהעי האט געארבעט אלס געהילף אינעם היים פון דער אידישער פאמיליע, און האט געוואלט בארויבן די פאמיליע נאכ'ן זיי דערמארדן, נישט האבנדיג דערביי קיין שום אנטיסעמיטישע מאטיוון, נאר ביליגע רציחה און גניבה.
ד'א
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » מאנטאג יוני 05, 2017 12:22 pm

פראנצויזישע אידן האבן רעאגירט מיט אויפברויז, נאכדעם ווי ס'איז באריכטעט געווארן אז דער מוסולמענער פארשוין, וועלכער האט מיט עטליכע וואכן צוריק דערמארדעט קאלטבלוטיג א אידישע פרוי, וועט מעגליך בכלל נישט אויסשטיין קיין פראצעס.
דער פארשוין האט דערמארדעט די פרוי שרה חאלימי הי"ד, וועלכע איז געווען א באקאנטע לאנגיעריגע לערערין אין א לאקאלער אידישער שולע, אין א ברוטאלער אטאקע דורכ'ן איר אראפשטופן פון א הויכער געביידע, אבער די ריכטער זאגן אז די לויערס פונעם פארשוין האבן געברענגט קלארע באווייזן אז דער פארשוין ליידט אויף גייסטישע קרענק און איז נישט געווען מיט אלעמען בשעת'ן דורכפירן די אטאקע, וואס דעריבער וועט ער מעגליך גיין פריי און נישט אפילו ווערן פראצעסירט, ווייל מ'קען נישט אויפווייזן אז ער האט דאס געטאן טאקע מיט'ן באוואוסטזיין אומצוברענגען די פרוי.
ד'א
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » דינסטאג יוני 06, 2017 11:58 am

א פרישער באריכט, וואס די רעגירונג אין ארגענטינע גרייט זיך ארויסצוגעבן, וועט צייגן קלאר אז דער אידישער פראקוראר אלבערטא ניסמאן איז דערמארדעט געווארן.
ניסמאן איז געפונען געווארן נישט לעבעדיג אום יאנואר 18, 15', איין טאג בעפאר ער האט זיך געגרייט אויפצודעקן שאקירנדע דעטאלן איבער דער ראלע וואס די ארגענטינער רעגירונג האט געשפילט צו פארדעקן די שולדיגע אינעם באמבארדירונג אויפ'ן אמיא אידישן צענטער אין יאר 994'.
די אויטאריטעטן און פאליציי האבן אריגינעל געזאגט אז ניסמאן איז באגאנגען זעלבסטמארד אין זיין אפארטמענט צוליב דעם דרוק וואס די אויספארשונג האט אויף אים געברענגט, אבער דער פרישער באריכט וואס די דזשאנדארמארי, די העכסט ראנגיקע ארגענטינע פאליציי אויטאריטעטן, גייען ארויסגעבן, צייגט קלאר אז ניסמאן איז דערמארדעט געווארן.
ד'א
בייגעלייגטע פיילס
די ק.jpg
די ק.jpg (85.19 KiB) געזעהן געווארן 123 מאל
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » דאנערשטאג יוני 08, 2017 11:38 am

א ניו יארק סטעיט אפעלאט געריכט האט געאורטיילט אז דער הייליגער מנהג כפרות איז באשיצט דורך דער אמעריקאנער קאנסטיטוציע און קען נישט אפגעשטעלט אדער בלאקירט ווערן.
דערמיט האט דער סטעיט אפעלאט געריכט ווידערהאלט אן אורטייל וואס א נידריגערע סטעיט געריכט האט שוין געהאט ארויסגעגעבן א צייט צוריק, ארויסווארפנדיג די טענות פון אנטיסעמיטישע צער-בעלי-חיים גרופעס, וועלכע האבן פארפירט אז דער מנהג ווערט דורכגעפירט מיט פארלעצונגען פון באשעפעניש-וואוילזיין געזעצן און סאניטאציע-ריינקייט געזעצן.
די גאנצע אנקלאגע קעגן דעם מנהג כפרות האט געשאפן א שטארקע אנגעצויגנקייט ביי אידישע איינוואוינער אין ניו יארק סיטי אין די לעצטע צוויי יאר, ווען עס האט געשוועבט אן ערנסטער געפאר אז א געריכט זאל בלאקירן דעם הייליגן מנהג, אבער אצינד האט מען געהערט פון נאך א געריכט אז ס'איז הונדערט פראצענט אויסגעהאלטן לויט דער קאנסטיטוציע, צוליב רעליגיע פרייהייט, און עס קען נישט בלאקירט ווערן.
ד'א
בייגעלייגטע פיילס
די ק.jpg
די ק.jpg (62.27 KiB) געזעהן געווארן 111 מאל
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

Re: אידישע נייעס

הודעהדורך שעפעלע » מאנטאג יוני 12, 2017 1:54 pm

א פרוי איז פאראורטיילט געווארן צו פינף יאר טורמע נאכ'ן מאכן טויט סטראשונקעס צום פאטער פון א אידיש יונגל וועלכער איז אומגעקומען ביים סענדי הוק שיסעריי אין יאר 12'.
די פרוי ל. ריטשארדס פון פלארידע האט זיך עטליכע מאל פארבינדן מיט דער פאזנער פאמיליע, די עלטערן פון נח פאזנער ע"ה וועלכער איז געווען צווישן די אומגעקומענע עלעמענטערי סקול קינדער אין סענדי הוק, קאנעטיקוט, און ריטשארדס האט געזאגט פאר דער פאזנער פאמיליע אז די גאנצע סענדי הוק שיסעריי האט קיינמאל נישט פאסירט.
די קאנספיראציע אז די שיסעריי איז געווען פאלש און אונטערגעשטעלט דורך דער רעגירונג, איז גאר פאפולער ביי אנטיסעמיטישע און עקסטרעם-רעכטע באנדעס, און די פרוי ריטשארדס האט געזאגט פאר'ן טאטן פון נח ע"ה אז ער גייט שטארבן, ווייל ער העלפט די רעגירונג פארקויפן א ליגנט איבער דער סענדי הוק שיסעריי.
ד'א
בייגעלייגטע פיילס
די ק.jpg
די ק.jpg (35.71 KiB) געזעהן געווארן 70 מאל
ניק אוואטאר
שעפעלע
חבר ה'קרעטשמע
 
הודעות: 178
הצטרף: פרייטאג סעפטעמבער 23, 2016 12:44 am
האט שוין געדאנקט: 22 מאל
איז שוין געווארן באדאנקט: 33 מאל

פריערדיגע

צוריק צו עולם ומלואו

ווער איז דא?

באנוצער אין דעם פארום: נישטא קיין איינגעשריבענע באנוצער און איין גאסט

cron