גראמאטיק און אויסלייג

[BeeTee]

איך ווייס נישט פון וואו דו נעמסט עס. ס'איז נישט ריכטיג.
די כלל איז די זעלבע ביי יעדע חסידות...

ריזענער חסיד
ריזענע חסידים

קאצקער חסיד
קאצקע חסידים

פאפא'נער חסיד
פאפא'נע חסידים

סקווערער חסיד
סקווירא חסידים

א.א.וו.

[איבערלעבער]

און איך ווידערהאל, זוך אין פארצייטישע ביכער, פון די צייטן ווען מ'האט נאך גערעדט נאטירליך א קלאַסישן אידיש, וועסטו נישט טרעפן אז מ'זאל זיך באציען צו חסידים אין א מערער צאל, אָן א ריש.

[שלומיאל]

וואו קען מען זוכן אין פארצייטישע ביכער? איך וויל עס נאכקוקן

[איבערלעבער]

ס'דארף נישט זיין אזוי פארצייטיש, נעם "דאס אידישע ווארט" אדער "דער אלגעמיינער" צי אפילו אן אגרת פונעם ליובאוויטשער אין אידיש.
לעצטענס איז נתפרסם געווארן א בריוו וואס ער שרייבט צו אלי וויזל ז״ל און ער רעדט דארט פון "וויזניצער חסידים".

[שלומיאל]

דער אלגעמיינער איז דאך נישט קיין אויסגעהאלטענע מאטריאל צו ליינען

[יאהאן]

און איך ווידערהאל, זוך אין פארצייטישע ביכער, פון די צייטן ווען מ'האט נאך גערעדט נאטירליך א קלאַסישן אידיש, וועסטו נישט טרעפן אז מ'זאל זיך באציען צו חסידים אין א מערער צאל, אָן א ריש.

און מאן מוכיח אז זיי זענען געווען אקוראט מיט דקדוק? לויט ווי עס קוקט אויס האבן זיי געשריבן לויט ווי אזוי מען זאגט עס ארויס.

[איבערלעבער]

איך פארשטיי אייך נישט, אויב זענט איר מודה אז מ'האט אייביג אזוי גערעדט, וואס איז שייך דן צו זיין אויב ס'איז אויסגעהאלטן גראמאטיש?

בר מן דין, האב איך מציין געווען צום אלגעמיינער און דאס אידישע ווארט, ביידע פארמאגן א גרעסערע אויטאריטעט ווי די היינטיגע אומגעלערנטע אידישע שרייבער.

[יאהאן]

אויף דיין ערשטע שאלה יש שתי תשובות בדבר:
1 דאס אז מ'האט דאן אזוי גערעדט מיינט נישט אז מ'האט 'אייביג' אזוי גערעדט, דאס טוישט זיך מיט יעדע דור כידוע.
2 אפי' מ'האט יא אלעמאל אזוי גערעדט מיינט ווייטער נישט אז באמת איז דאס ריכטיג, ווייל מענטשן רעדן נישט ווי מען שרייבט עס ע"פ די ריכטיגע אויסלייג, אסאך ווערטער ווערן ליבערשט געזאגט ווי אזוי עס איז 'גרינג' ארויסצוזאגן.

מיט דיין צווייטע פאונט בין איך פלעין מחולק...

[איבערלעבער]

און איך בין מחולק מיט דיינע דריי פונקטן.

איך האב געברענגט א הוכחה.
יעצט ליגט אויף דיר צו ברענגען א פארלעסליכער מקור אויף פארקערט.

מאנכע שרייבן 'רעפאבליקאנע' דעלעגאטן,
דאס קען מען דאך בודק זיין אז אויף דויטש שרייבט מען 'רעפאבליקאנער' דעלעגאטן.

ס'איז א טעות צו מיינען אז דער ריש פאלט אויטאמאטיש אוועק ביי א מערצאל.